Në kuadër të qëndrimit në Uashington, kryeministri në detyrë i Kosovës, Albin Kurti, takimet i ka vazhduar me senatorin amerikan nga shteti i Michiganit, Gary Peters, njëherësh kryetar i Komitetit të Senatit për Sigurinë Kombëtare dhe Çështjet Qeveritare.
Në komunikatën për media bëhet e ditur se Kurti dhe Peters kanë diskutuar për sfidat rajonale dhe për partneritetin e ngushtë mes Kosovës dhe Shteteve të Bashkuara të Amerikës.
“Kurti e njoftoi senatorin Peters për zhvillimin dhe zhvillimet në vend në rrafshin ekonomik, demokratik dhe të sigurisë”, thuhet në komunikatën e Zyrës së Kryeministrit.
Në përfundim theksohet se, Kurti e ka falënderuar senatorin Peters për mbështetjen e tij të vazhdueshme ndaj Kosovës dhe për përfaqësimin e komunitetit shqiptar në Michigan./teve1.info/
