Kryeministri Kurti ka zhvilluar takimin e paralajmëruar me përfaqësuesin e lartë, Borrell dhe emisarin e BE-së për dialogun, Lajçak në forumin GLOBSEC në Sllovaki.
Atyre u ka ritheksuar se sulmet e milicisë serbe ndaj organeve të sigurisë e gazetarëve janë të papranueshme, përderisa ka kërkuar zbatim të shpejtë të marrëveshjes me Serbinë.
“Në udhëtimin tim ditor në GLOBSEC, u takova me Përfaqësuesin e Lartë dhe Zëvendëspresidentin Josep Borrell dhe Miroslav Lajcak. Ritheksova se sulmet e milicisë serbe ndaj Policisë, KFOR-it dhe gazetarëve janë të papranueshme. Rruga përpara është e rrënjosur në demokraci, sundim të ligjit dhe zbatim të plotë dhe të shpejtë të Marrëveshjes Bazë”, ka shkruar Kurti.
On my day trip to @GLOBSEC I met w/ 🇪🇺 HR/VP @JosepBorrellF & SR @MiroslavLajcak. Restated that attacks by Serbian militia on Police, KFOR & journalists are unacceptable. The path forward is rooted in democracy, rule of law & the complete & swift implementation of the Basic Agmt. pic.twitter.com/bF6VNbiod0
— Albin Kurti (@albinkurti) May 31, 2023
