Pak para nisjes së seancës konstituive, kryeministri në detyrë, Albin Kurti është takuar me kryetarin e PDK-së, Memli Krasniqi.
Sot, për herë të nëntë tentohet të bëhet konstituimi i Kuvendit, ku në rend dite është zgjedhja e kryetarit të Kuvendit.
Ftesa e Kurtit ka shkuar edhe për kryetarin e LDK-së, Lumir Abdixhiku i cili për dallim nga Memli Krasniqi ka refuzuar ftesën.
E propozuara e LVV-së për kryeparlamnetare ka dështuar në shtatë tentime të marrë votat e mjaftueshme për tu zgjedhur kryetare e Kuvendit.
Nga PDK e AAK i kanë bërë thirrje LVV-së të ndërrojë kandidaten duke e vlerësuar Haxhiun si figurë përçarëse.
Kurse, LDK ka thënë se nuk e voton asnjë të propozuar nga partia fituese e zgjedhjeve të 9 shkurtit.
LVV-ja deri më tash nuk ka ndryshuar qëndrim nga kandidatura e tyre duke thënë se opozita nuk mund t’ua imponojë kandidatin.
A do të jetë takimi mes liderëve të dy partive më të mëdha çelësi për zgjidhjen e krizës në Kuvend?
