Kryeministri i vendit, Albin Kurti, ka pritur sot në takim deputetin shqiptar në Parlamentin e Serbisë, Shaip Kamberi, teksa biseduan lidhur me rrjedhat aktuale politike.
Përmes një komunikate, bëhet e ditur që Kurti ka folur për takimin e kësaj jave të nivelit të lartë në të dialogut në Bruksel, ndërsa Kamberi ka njoftuar atë për zhvillimet e fundit në Luginë të Preshevës, raporton teve1.info.
“Ndërkaq, deputeti Kamberi e njoftoi kryeministrin me zhvillimet e fundit në Luginë të Preshevë. Ai theksoi se bashkë me deputetët boshnjak të SDA ka inicuar pesë projektligjeve ndër të cilat ai për mbrojtjen e të drejtave dhe lirive të pakicave; për selitë dhe territorin e gjykatave; për ndryshimin e ligjit për përdorimin e simboleve kombëtare; për ndryshimin e Rregullorës së parlamentit ashtu që listat e pakicave të kenë mundësinë e krijimit të grupit parlamentar me tre deputet e jo me pesë siç kërkohet për partitë qëndrore, si dhe projektrezolutën për Srebrenicën. Kamberi theksoi se fatkeqësisht këto iniciativa po pengohen nga kreu i parlamentit të Serbisë duke mos u futur në rend të ditës as edhe për t’u diskutuar”, thuhet në komunikatë.
Njëherit, Kurti ka përgëzuar Kamberin për angazhimin dhe vendosmërinë, duke i foruar mbështetje të plotë për afirmimin e pozitës së shqiptarëve në Preshevë, Medvegjë dhe Bujanoc./teve1.info/.
