Kryeministri i vendit, Albin Kurti, ka pritur në takim Ambasadorin e Francës në Kosovë, Olivier Guerot.
Përmes një komunikate të lëshuar për media, thuhet se gjatë takimit ata trajtuan temat e zhvillimet aktuale, përfshirë procesin e konvertimit të targave ilegale, përcjell teve1.info.
“Pas takimit me ambasadorin amerikan, Jeffrey Hovenier dhe Drejtoreshën për Çështje të Evropës Qendrore dhe Jugore në DASh, Collen Hyland, Kryeministri i Republikës së Kosovës, Albin Kurti mirëpriti në zyrën e tij Ambasadorin e Francës në Kosovë, Olivier Guerot. Gjatë bisedës, u trajtuan edhe temat e zhvillimet aktuale, që përfshijnë mbarëvajtjen e deritanishme të procesit të konvertimit të targave ilegale dhe regjistrimit të veturave me targa RKS dhe procesi që parashihet me udhëzimin administrativ për zgjedhje të parakohshme në katër komunat në veri të vendi”, thuhet në komunikatë.
Po ashtu, bëhet e ditur se ata folën për nismat dhe bashkëpunimet e mundshme në fushën e arsimit e teknologjisë së informacionit, njëherit për planet e Qeverisë në sektorin e energjisë. /teve1.info/.
