Kryeministri i Kosovës, Albin Kurti, është takuar sot me ambasadorin jorezident të Irlandës për Kosovë, Ronan Gargen, raporton teve1.info.
Gjatë këtij takimi është biseduar për procesin e dialogut dhe arritjen e Marrëveshjes Bazë në Bruksel, si dhe për aneksin e zbatimit të saj në Ohër.
Kurti dhe ambasadori irlandez kanë biseduar gjithashtu për marrëdhëniet e mira bilaterale mes të dyja shteteve.
“Ata biseduan për marrëdhëniet e mira bilaterale ndërmjet dy shteteve, për bashkëpunimin në fushën e ekonomisë, fushën e ICT-së dhe për shkëmbimin e përvojave sa i përket së përfshirjes dhe bashkëpunimin me mërgatën”, thuhet në njoftim e Zyrës së Kryeministrit.
Tutje, thuhet se kryeministri e ka falënderuar ambasadorin për mbështetjen dhe trajtimin me seriozitet të aplikimit të Kosovës në Këshillin e Evropës gjatë presidencës së Irlandës.
