Kryeministri i Kosovës Albin Kurti, bashkë me ministrin e Brendshëm Xhelal Sveçla kanë vizituar sot Kampin e Policisë në Belvedere.
Kurti në Facebook ka shpërndarë edhe disa fotografi nga kjo vizitë.
Teksa ka thënë se sukseset e tyre për rend, ligj dhe kushtetutshmëri në katër komunat në veri të vendit janë mahnitëse.
“Pasditen e kalova sot në Mitrovicë. Nga palestra “Minatori” e demonstrimit të vajzës sonë të artë në xhudo, Majlinda Kelmendi, te oficerët tanë të çeliktë në Kampin e Policisë në Belvedere. U njoftova për aksionet e operacionet, aktivitetet e të arriturat e Policisë së Kosovës. Sukseset e tyre për rend, ligj dhe kushtetutshmëri në katër komunat tona në veri të vendit janë mahnitëse.Motivimi e morali i tyre janë të lartë kurse profesionalizmi dhe disiplina e pashoq. Mbështetja e jonë për ta është e garantuar. Bashkë me Ministrin e Brendshëm Sveçla, Drejtorin e Policisë, Hoxha, dhe gjithë të tjerët në fund shijuam shujtat e ngrohta në mensën e re të Kampit”, ka shkruajtur Kurti./teve1.info./
