Kryeministri i Kosovës, Albin Kurti ka thënë se si Qeveri dhe shoqëri duhet punuar për të eliminuar dhunën ndaj grave dhe vajzave.
Ai ka thënë se barazia shoqërore nuk mund të arrihet nëse s’ka barazi gjinore.
“Me përkushtim institucional e shoqëror do të punojmë për eliminimin e dhunës ndaj grave dhe vajzave, këtë fenomen shoqëror që e pamundëson barazinë”, është shprehur Kurti, raporton teve1.info.
Ai në lansimin e projektit “Përafrimi i ligjeve dhe politikave me Konventën e Stambollit”, ka thënë se Kosova synon të anëtarësohet në Këshillin e Evropës, pasi siç tha ai, besojmë dhe kultivojmë vlerat e demokracisë të drejtave të njeriut dhe sundimit të ligjit.
“Si Qeveri kemi marrë përsipër obligimet që parasheh konventa e Stambollit, po angazhohemi maksimalisht që ta zbatojmë në përpikëri hapat dhe masat që kërkohet nga ne. Dhe ky angazhim mbështet në një synim të thjeshtë, që as një grua mos të jetojë me frikën e dhunës dhe çdo vajzë të rritet e sigurt.
Kurti ka përmendur disa hapa që ka bërë Qeveria e Kosovës në ndryshim të kornizës ligjore si përqafim i Konventës së Stambollit, me qëllim të luftimit dhe parandalimit të dhunës nda grua.
“Në këto dy vite të qeverisjes kemi ndërmarr hapa konkret për një Kosovë sa më barazimtare mes grave dhe burrave”
Kurti ka përmendur edhe disa masa për punësim të grave dhe ndarjen e mjeteve për lehonat./teve1.info/
