Kryeministri i Kosovës, Albin Kurti, ka thënë se të dielën është cenuar sovraniteti, integriteti territorial dhe siguria kombëtare.
Kurti në adresimin e tij në mbledhjen e Qeverisë së Kosovës, ka thënë se sulmi i grupit terrorist ka dëshmua qëllimin dhe gatishmërinë e grupeve kriminale për gjakderdhje në Kosovë.
“Të dielën është cenuar sovraniteti shtetëror integritet territorial dhe siguria kombëtare. Po atë ditë është dëshmua rreziku, qëllimi potenciali dhe gatishmëria e grupeve kriminale dhe terroristet të cilët i kemi luftuar më shumë se dy vjet e gjysmë. Me 5 milionë vlerë të armatimit ushtarak dhe sasi të mjaftueshme për një grup të qindrave luftëtarëve është dëmshu skenari për gjakderdhje në Kosovë”, ka thënë Kurti, përcjell teve.info.
Ai duke ju referuar nënkryetarit të Listës Serbe, Milan Radojiçiq, si prijës i këtij grupi terrorist, tha se kjo dëshmon rolin e drejtpërdrejtë të Serbisë në këtë aksion.
“Aty janë përfshirë individë të sanksionuar në SHBA e Britania për aktivitetet kriminale dhe janë në kërkim nga institucionet e Kosovës për vepra penale. Ata shfaqën krah për krah në tryeza në Beograd e në Rashkë me Vuçiqin duke paralajmëruar rolin e drejtpërdrejt të shtetit serb në Kosovës”, ka thënë Kurti.
Ai ka lavdëruar Policinë e Kosovë për guximin dhe profesionalizmin e treguar në përballje me këtë grup duke shtuar se ky është suksesi më i madh që pas shpalljes së pavarësisë.
Kurti ka thënë se zhvillimet e së dielës shfaqin domosdoshmërinë për bashkëpunim më të madh me faktorit ndërkombëtar në ruajtjen e kufirit me Serbinë.
Ai ka thënë se pas dokumentimit për pjesëmarrjen e nënkryetarit të Listës Serbe, Milan Radoiçiq, në sulmin në Banjskë, është vërtetuar edhe se është jetike ringjallja e pluralizimit politik për serbët e Kosovës.
“Nuk ka demokraci e liri pa pluralizëm”, ka thënë Kurti, tha Kurti.
