Derisa të premten nga ora 11:00 pritet të jetë përpjekja e gjashtë për konstituimin e Kuvendit të Kosovës, kryeministri në detyrë, Albin Kurti sërish nuk është përgjigjur nëse nesër do të jetë sërish emri i Albulena Haxhiut për kryekuvendare.
I pyetur nga gazetarët për këtë çështje pas përurimit të urës në Rogovë të Hasit ai tha: “Ne ndërtojmë ura, banorët e Rogovës punojnë tokën e shiu është për bereqet”, por nuk pati asnjë përgjigje rreth bllokadës në Kuvend.
Kuvendi i Kosovës që nga 15 prilli është mbledhur 5 herë, derisa në tri tentime nuk ka arritur t’i ketë 61 vota për ta zgjedhur Albulena Haxhiun kryetare të Kuvendit, shkruan RTK.
Në Vetëvendosje kanë thënë se emri i saj do të jetë sërish të premten si i propozuar i tyre.
