Duke diskutuar për gjendjen aktuale në veri, Kurti tha se Beogradi po kamuflon refuzimin e propozimit franko-gjerman me destabilizimin e Veriut.
Ai ka thënë se ky plan ka përkrahjen edhe të BE-së dhe SHBA-së.
“Çfarë po ndodh tani shpjegohet më së shumti me përpjekjen e Beogradit për të ambalazhuar kundërshtimin e nismes franko-gjermane, apo të propozimit të këtyre dy fuqive evropiane. Nuk bëhet fjalë, as per tabela as per asociacion, as me suspsendimin e Gjuriqit, bëhet fjalë vetem për refuzimin qe i kanë bërë Parisit dhe Berlinit dhe tash duhet ta kamuflojnë këtë refuzim që ja kanë bërë BE-së… Disa herë gjatë vitit jemi kërcënuar se do të ketë bojkotime dhe tërheqje. Se do të ketë vakum, trazira, paligjshmëri. Po bëjmë gjithçka që këto të mos ndodhin. Të gjithë zyrtarëve iu bëj thirrje të mos i lëshojnë ato pozita dhe të mos japin dorëheqje”, tha Kurti.
Kurti ka thënë se plani është nismë në drejtimin e duhur dhe sipas tij, ai e ka përkrahur sepse në të flitet për vlera ndërsa përsëriti se Serbia ka refuzuar këtë plan dhe se zhvillimet në veri ndërlidhen me këtë./Teve1.info/
