Kryeministri në detyrë dhe kandidati edhe për një mandat, Albin Kurti ka thënë se sakica e dëshmorëve, martitëve, e invalidëve dhe veteranëve të UÇK-së, është emblema e qëndresës dhe forcës sonë si shtet e komb.
Ai kështu është shprehur në një postim në Facebook, ku ka njoftuar se ka vizituar disa familje në Skenderaj.
“E diela në Skenderaj, nga Rezalla në Leqinë, nga familja e Ahmet Zabelit tek ajo e Sejdi Gashit, për të vazhduar në konakun e Ibrahim Kuqanit dhe Naser Bajramit. Sakrifica e dëshmorëve dhe martirëve të kombit, invalidëve dhe veteranëve të UÇK-së, është emblema e qëndresës dhe forcës sonë si shtet e komb”, ka shkruar Kurti.
