Nga konferenca për media, kryeministri Albin Kurti, po e refuzon propozimin e draft statutit të kreut të qeverisë shqiptare, Edi Rama, në lidhje me Asociacionin e komunave me shumicë serbe. Madje, shefi i qeverisë kosovare i tregoi homologut të tij se me çfarë propozimi duhet të merret ai.
Por të ashpër po e cilëson gjuhën e Kurtit, profesori universitar, Arben Fetoshi. Sipas Fetoshit, qëllimi i Edi Ramës është zgjidhja e një problemi brenda Kosovës dhe në të mirë të shqiptarëve.
Derisa, një vlerësim më ndryshe po e jep analisti Tomor Avdijaj.
Të enjten kryeministri i Shqipërisë, njoftoi publikun se ka hartuar një propozim se si duhet të formohet Asociacioni i komunave me shumicë serbe dhe të njëjtin ua ka dërguar presidentit të Francës Emmanuel Macron dhe kancelarit gjerman Olaf Scholz.
Nga Bashkimi Evropan, u tha se ky draft po trajtohet me seriozitet. Ndërkohë kundër veprimit të Ramës është deklaruar edhe presidenti serb Aleksandar Vuçiq, nën arsyetimin se nuk është detyrë e tij.
Kronika e realizuar nga gazetari Arton Rama
