Kryeministri Albin Kurti së bashku me ministrin e Financave, Punës dhe Transfereve, Hekuran Murati kanë pritur përfituesit e programit “Praktikë në Qeveri”.
Kurti ka thënë se falë Programit “Praktikë në Qeveri”, Qeveria e Kosovës asnjëherë nuk ka pasur kaq shumë praktikantë.
“Dikush edhe mundet me na quajt qeveri e praktikantëve, por bëhet fjalë për praktikantë të mirë në praktika të mira, për qeverisje demokratike edhe për një shtet gjithnjë e më të përparuar. Natyrisht, që mbi të gjitha e para së gjithash bëhet fjalë për një vullnet për praktika të reja edhe ndryshe të cilat e shpijnë vendin tonë atje ku ne duam, pra tek zhvillimi ekonomik, tek progresi demokratik, tek integrimet euroatlantike”, ka deklaruar Kurti në këtë ngjarje.