Kryeministri i vendit, Albin Kurti, thotë se 30 persona të armatosur rëndë po vazhdojnë ta sulmojnë Policinë e Kosovës në veri, teksa u ka bërë thirrje të dorëzohen.
“Në këtë betejë ne mbrojmë dhe zbatojmë ligjshmërinë, mbrojmë dhe ruajmë qytetarët pa dallim dhe Kosovën e pavarur. Qeveria e Kosovës dhe institucionet e shtetit janë të gatshme dhe të bashkërenduara për t’iu përgjigjur krimit dhe kriminelëve e terroristëve. Ne jemi në anën e drejtë, andaj në këtë rrugëtim jemi bashkë”, u shpreh Kurti gjatë një konference për media pas mbledhjes së Këshillit të Sigurisë.
Njëherit, Kurti u shpreh se vrasja e zyrtarit policor në veri, duhet të kthehet në angazhim më të shtuar në luftimin e bandave, strukturave ilegale, krimit e terrorizmit, që e cenojnë sigurinë e qytetarëve dhe rendin kushtetues./teve1.info/.
