Bëhet e ditur se në këtë takim u bisedua për përkushtimin e Qeverisë së Kosovës për arsimin dhe aftësimin profesional, në shërbim të rritjes së punësimit për qytetarët e Republikës së Kosovës.
“U theksua rritja ekonomike prej 4,9% në tremujorin e parë të këtij viti, si tregues shtesë, që demokracia cilësore shkon bashkë me zhvillimin ekonomik. Gjatë takimit u fol edhe për reformat në drejtësi, procesin e vetingut, si dhe luftimin e krimit e korrupsionit”, thuhet në komunikatë.
Teksa thuhet se kryeministri Kurti e falënderoi shefin e misionit të Luksemburgut në Kosovë, Dietz për marrëveshjen e re bilaterale dhe memorandumin e bashkëpunimit me Qeverinë e Luksemburgut, që parasheh përkrahje financiare për Kosovën./teve1.info.
