Kryeministri i Kosovës, Albin Kurti, sot e ka pritur në takim, ambasadorin e Francës në Kosovë, Oliver Guerot.
Në një njoftim të lëshuar nga Zyra e Kryeministrit, thuhet se Kurti dhe Guerot kanë biseduar për zhvillimet e fundit në vend, duke përfshirë edhe zgjedhjet e 9 shkurtit.
“Bashkë diskutuan për zhvillimet e fundit në vend, përfshirë procesin zgjedhor të 9 shkurtit, për marrëdhëniet bilaterale Kosovë-Francë, mundësitë për thellimin e mëtejmë të tyre në fushën diplomatike, ekonomike e kulturore, dhe bashkëpunimin ndërmjet institucioneve qeveritare dhe ambasadës franceze në Kosovë”, thuhet në njoftim.
Tutje, bëhet e ditur se Kurti e ka falënderuar ambasadorin Guerot për mbështetjen e vazhdueshme të Francës ndaj Kosovës dhe angazhimin e ambasadës franceze në Kosovë./teve1.info/
