Kryeministri në detyrë dhe mandatari për një mandat të ri, Albin Kurti, ka premtuar renovimin dhe ndërtimin e dy objekteve të trashëgimisë kulturore.
Gjatë hapjes së fushatës së Lëvizjes Vetëvendosje në Mitrovicë, Kurti tha se do të rinovohet teqja në vendin e njohur si “Te Tre Rrokaqejt”, si dhe do të rindërtohet Xhamia e Ibrit, e cila u dogj gjatë luftës nga forcat serbe.
“Teqja e Abyl Kadër dhe Kadri Efendiut, e cila është trashëgimi kulturore, do të rinovohet. Xhamia e Ibrit sivjet i bën 250 vjet që nga ndërtimi, por ajo u dogj më 2 maj 1999. Prandaj, në mandatin tonë të ardhshëm do ta rindërtojmë këtë xhami. Ajo është pjesë e trashëgimisë sonë kulturore. Të gjitha objektet e trashëgimisë kulturore, pa dallim, që janë dëmtuar, do t’i rinovojmë dhe rindërtojmë”, tha Kurti në fjalimin e tij./teve1.info/
