Kryeministri në detyrë i Kosovës, Albin Kurti ka ndarë pamje nga ushtrimi i realizuar nga Drejtoria e Mbrojtjes Ajrore e Policisë së Kosovës.
Ky testim u realizua në Kampin e Njësive Speciale në Vrellë.
Kurti duke falënderuar zyrtarët për profesionalizmin ka premtuar mbështetje për fuqizimin e këtyre pajisjeve.
“Para dy vitesh, në kuadër të Policisë së Kosovës, kemi themeluar Drejtorinë e Mbrojtjes Ajrore, me njësitë dron dhe antidron si komponentë kyç. Në Kampin e Njësive Speciale në Vrellë u realizua testimi i mundësive të mbrojtjes ajrore, duke u bazuar në kapacitetet e brendshme të Policisë së Kosovës. Falënderoj zyrtarët për angazhimin dhe profesionalizmin e treguar. Mbështetja jonë për ngritjen dhe fuqizimin e këtyre pajisjeve dhe mënyrave do të jetë e vazhdueshme”, ka shkruar Kurti në Facebook.
