Kryeministri i Kosovës, Albin Kurti, në mbledhjen e ekzekutivit, ku ka folur për sanksionet që Kosova do të vendosë ndaj Rusisë, ka thënë se po i bashkohen aleatëve.
Ai ka thënë se reagimi i Kosovës ndaj pushtimit të Ukrainës duhet të lexohet si orientim politik e diplomatik.
“Kjo nuk është hera e parë që Kosova duke qenë pjesë e botës demokratike i vë sanksione Rusisë. Përgjigja e botës demokratike duhet të jene unifikuar. Reagimi jonë i menjëhershëm dhe i pa rezervë ndaj pushtimit të Ukrainës, duhet të lexohet si mesazh i qartë i orientimit tonë politik dhe diplomatit, ka thënë Kurti, përcjellë teve1.info.
Ai ka thënë se ky qëndrim duhet të jetë mesazh edhe për Serbinë.
“Në kohën kur FSK dhe aleatët kryenin ushtrime të përbashkët,me qëllim të rritjes së paqes dhe sigurisë, Rusia dhe Serbia bënin stërvitje për të dhënë kërcënime. Ky qëndrim i yni kundër pushtimit të Ukrainës lë të jetë mesazh për të gjithë”, tha Kurti.
Kryeministri Kurti tha se sulmi rus ndaj Ukrainës është sulm ndaj vlerave të paqes dhe të drejtës për vetëvendosje.
Ministrja e Punëve të Jashtme, Donika Gërvalla ka thënë se sanksionet përfshijnë sanksionet ekonomike dhe financiare të vendosura nga Këshilli i BE-së, dhe SHBA-ja, derisa ato përfshijnë ngrirjen e aseteve të bankave ruse dhe ndalimin e transitit të individëve rus në vendet që i zbatojnë sanksionet./Teve1.info/
