Qëndrimin për dinarin e theksoi edhe një herë.
Gjatë së enjtes, shefi i qeverisë, Albin Kurti përsëriti që vendimmarrja e institucioneve të pavarura nuk mund të negociohen nga politikanët.
Pikërisht çështja e dinarit, e dërgoi në zyrën e kryeministrit, ambasadorin e Shteteve të Bashkuara në Kosovë, Jeffry Hovenier.
“Nuk e di si mund të shmanget të paktën frustrimi nga qytetarët prej implementimit të vendimit. Të marrim shembull një pensionist që merr ndihmë financiare. Është i mësuar me këtë sistem. Supozoj se ai ka shkuar në një pikë të caktuar për të marrë ndihmën. Si do ta marrë këtë përfitim ai? Çka do të ndodhë me të? Ai i moshuar mund të jetë i shokuar për këtë…. mendoj se mund të ketë tensione nga njerëzit që do të ndihen të lënë jashtë ndihmave nga të cilat varen. Askush nuk e do një gjë të tillë”, tha ambasadori amerikan.
Andaj ai ka thënë se ekzekutivi duhet të gjej një mënyrë për të zgjidhur çështjen e rregullores së BQK-së.
“Kemi shqetësime dhe obligime të vërteta për zbatimin e këtij raporti dhe më duhet të them se kjo është koha e duhur. Sa i përket Rregullores, besoj që kjo varet edhe nga individët dhe gjithashtu do të kërkojmë mbështetje dhe nga qeveria serbe e Kosovës. Serbët duhet të jenë më të kujdesshëm për sa i përket dialogut, jemi të shqetësuar gjithashtu. Shpresojmë që qeveria të gjej një mënyrë për të realizuar dhe duhet të ketë një lloj gjykimi për këtë”, tha Hovenier.
E një linjë me SHBA-në janë edhe Bashkimi Evropian. Ata kanë kërkuar një periudhë më të gjatë tranzicioni.
“BE-ja është e shqetësuar për pasojat që ky vendim mund të ketë në jetën e përditshme të serbëve të Kosovës dhe komuniteteve të tjera në mbarë Kosovën për shkak të mungesës së konsultimeve paraprake, veçanërisht për ndikimin e tij në shkolla dhe spitale, duke pasur parasysh mungesën e dukshme të alternativave në këtë moment”, tha ai.
Nga një shkurti, sipas rregullores së BQK-së, valuta e vetme zyrtare në vend do të jetë EURO-ja.
