E kryeministri i Kosovës, Albin Kurti ka përkujtuar masakrën e Poklekut të Vjetër dhe Çikatovës të Vjetër të Drenicës, ku 23 vite më parë forcat policore serbe vranë dhe masakruan 77 shqiptarë civilë të paarmatosur.
23 vjet më parë forcat policore, ushtarake e paraushtarake serbe, vranë dhe masakruan 77 shqiptarë civilë të paarmatosur. Midis tyre pesë foshnja, nga gjashtë muaj e deri në dy vjeç. Për shtetin serb që po zbatonte planin e gjenocidit ndaj shqiptarëve nuk kishte rëndësi mosha. Pasi i vranë, trupat e viktimave të Masakrës së Paklekut i dogjën bashkë me shtëpitë. Disa i dogjën dy herë e disa i hodhën në puse. Ndërsa trupat e viktimave të Masakrës së Çikatovës i dërguan në varrezën masive në Rudnicë të Rashkës në Serbi. Ishin përpjekje të forcave të armatosura serbe për të zhdukur gjurmët e krimit të Serbisë në Kosovë”, ka shkruar Kurti.
Tutje Kurti ka thënë se këto krime nuk mund të zhduken e as të harrohen, por do të mbeten dëshmi rradhët e varrezave dhe dhimbja në shpirtra, shkruan teve1.info
“U prehshin në paqe dëshmorët dhe martirët e kombit!”, shtoi ai.
