Kurti ka thënë se për “Ballkan të Hapur”, duhet të ketë hapje të Serbisë ndaj Kosovës.
“Ka shtete që nuk e kanë dënuar dhe nuk kanë dhënë sanksione ndaj Rusisë, për luftën në Ukrainë. Kemi shtete si puna e fqinjit tonë veriore që është nga ana ruse. Për të pasur ‘Ballkan të Hapur’ Serbia duhet të hapet ndaj Kosovës. Ju e dini që Serbia nuk e njeh pasaportën e Kosovës dhe as kartën e identitetit. Për të pasur ‘Ballkan të Hapur’ le të hapet Serbia për Kosovën dhe le të mbyllet për Federatën Ruse”, ka thënë Kurti në një deklarim ku së bashku me ministrin e Punëve të Brendshme, Xhelal Sveçla, morën pjesë në lansimin e shërbimeve të reja elektronike në portalin e-Kosova.
Të mërkurën në Shkup është mbajtur takimi i radhës i “Ballkanit të Hapur”, në të cilën morë pjesë edhe Mali i Zi e Bosnja e Hercegovina, ku janë nënshkruar edhe disa marrëveshje.
Edhe në këtë takim Kosova u ftua ti bashkohet kësaj nisme e krijuar nga Serbia, Shqipëria e Maqedonia Veriore.
Mbështetje kësaj nisme i dhe edhe Gabriel Escobar, i dërguari i Posaçëm i SHBA-së për Ballkanin Perëndimor, por që tha se duhet të jenë të përfshira gjashtë shtetet./teve1.info/
