Kryetari i Lëvizjes Vetëvendosje, Albin Kurti, anipse me mandate të skaduar si Kryeministër, ka takuar Kryetarin e Mitrovicës, Bedri Hamza, si dhe atë të Mitrovicës së Veriut Erden Atiq. Për takimet në fjalë ai u shpreh se bashkëbiseduan për bashkëpununimin qeveri-komunë, për siç tha ai të mirën e qytetarëve.
E plotë:
Në Mitrovicë të veriut dhe të jugut, me kryetarët Erden Atiq dhe Bedri Hamza, biseduam për bashkëpunimin qeveri-komunë dhe rëndësinë e realizimit të projekteve të përbashkëta.
Këto dy komuna janë më pranë njëra-tjetrës se kurrë më parë, duke punuar tashmë për të fuqizuar gjithëpërfshirjen dhe mirëqenien qytetare.
Shpreha mbështetjen për të punuar bashkë dhe jetësuar sa më shumë projekte e nisma në interes të të gjithë qytetarëve pa dallim.
Vizita e sotme rastisi dhe në ditëlindjen e kryetarit Erden Atiq, të cilit i uruam jetë të gjatë, shëndet të plotë e shërbim me integritet të lartë.
