Kryeministri i Kosovës, Albin Kurti ka bërë homazhe në 26-vjetorin e Masakrës së Reçakut ku u vranë 45 civilë.
I pari i Qeverisë nderon jetët njerëzore që u shuan nga vrasjet e kryera nga regjimi i Millosheviqit dhe autoriteteve të tjera të Serbisë.
“Nderojmë të gjitha jetët njerëzore që u shuan nga vrasjet e kryera nga regjimi fashist i Sllobodan Millosheviqit dhe i autoriteteve të tjera të Serbisë urdhërdhënëse e ekzekutore. Në këtë përvjetor nderojmë edhe qëndresën e familjeve të Reçakut, e anëkënd Kosovës, që dhanë më të dashurit për lirinë e Kosovës”, ka shkruar Kurti.
Derisa, kryeministri tha se populli i Kosovës është i vendosur që e vërteta të mos harrohet dhe që përgjegjësit për gjenocidin të dalin para drejtësisë./teve1.info/
