Kurti i quan “diletantizëm” deklaratat e Haxhiut për Fondin Monetar Ndërkombëtar.
“Nisma për mundësimin e tërheqjes së parave të Trustit nuk është e rastësishme që ka ardhur nga një deputet i opozitës i cili në një prononcim të tij medial duke komentuar deklaratën brengosëse të përfaqësuesve të Fondit Monetar Ndërkombëtar, ka thënë përafërsisht se po të donte FMN-ja do të na jepte mjete t’i shpërndanim për qytetarët dhe nuk do t’i preknim mjetet e fondit, ka mjete aq të mjaftueshme FMN-ja. Ja pra se kush po merret me financa e makroekonomi tek ne. Është diletantizëm i jashtëzakonshëm, por pasojat e të cilit nuk kemi pse i bartemi ne të tjerët përveçse vet ai person”, tha ai.
Sipas Kurtit, dikush që me kaq lehtësi sugjeron tërheqjen e 30% të Trustit, nesër do të ketë shumë të lehtë të votojë që të njëjtit të kalojnë në pronësi për tender asfalti.
“Ky është niveli i serioziteti dhe i përgjegjësisë që i gjeni tek sponzorizuesit e kësaj iniciative. Dikush që sot me kaq lehtësi sugjeron tërheqjen e 30% të Trustit do të jeni të bindur se nesër do e ketë shumë të lehtë të votojë që të njëjtit të kalojnë në pronësi për tender asfalti. Janë të njëjtit që na kanë sjellë në këtë gjendje e të cilët tash po dëshirojnë që edhe ato pak të mira që ekzistojnë t’i rrënojnë”, tha shefi i ekzekutivit. /teve1.info/
