Kryeministri Albin Kurti duke ju referuar ftesës që iu ka bërë partive politike ka thënë se është i interesuar që të takojë të gjitha partitë.
Kurti tha se ai ka qenë çdo herë i hapur dhe do të jetë edhe në këtë vit të fundit qeverisës – duke ju referuar vitit zgjedhor.
“Unë jam i interesuar që të takohem më të gjithë dhe mendova që është më së miri që të takohemi të gjithë se bashku. Unë jam gjithmonë i hapur, i interesuar, i gatshëm dhe këtë e kam treguar edhe në të kaluar dhe do ta tregojë edhe në ditët, javët dhe muajt në vijim tash që kemi hyrë në vitin e fundit të mandatit qeverisës”, ka thënë Kurti për RTV Besa.
Kurti i ka ftuar për të hënën në një darkë pune liderët e tri partive parlamentare opozitare, Partisë Demokratike të Kosovës, Lidhjes Demokratike të Kosovës dhe Aleancës për Ardhmërinë e Kosovës për të diskutuar rreth përmbushjes së agjendës legjislative për sezonin pranveror.
LDK dhe AAK kanë refuzuar ftesën, ndërsa PDK ka pranuar./teve1.info
