Kryeministri i Kosovës, Albin Kurti, tha se për të vazhduar dialogu Kosovë –Serbi, Kosovës i duhet siguria, raporton teve1.info
Ai shtoi se siguria e Kosovës nënkupton që kufiri i Kosovës me Serbinë te jetë i sigurt, derisa tha se një gjë e tillë nuk mund të ndodh derisa terroristet e kriminelët në Serbi të jenë të lirë.
Kurti këto komente i bëri kur u pyet nëse do të ketë takime në Bruksel për vazhdimin Dialogut Kosovë-Serbi gjatë muajit të ardhshëm.
“Nuk jam në dijeni nëse do të ketë të paralajmëruar ndonjë takim por unë si kryeministër, Qeveria e Kosovës, institucionet e Kosovës kanë qenë të përkushtuara, konstruktive por nga sulmi terrorist e kriminal në Banjskë duhet të theksojmë se prioritet i Republikës sonë është siguria, e siguria është siguria e kufijve. Ne duam normalizim të marrëdhënieve por nuk mund të kem normalizim të marrëdhënieve pa pasur siguri e siguria nënkupton se kriminelët terroristët nuk duhet të jenë të lirë siç fatkeqësisht po ngjan në Serbi. Ndërsa kufiri i Kosovës duhet të jetë i sigurt, andaj edhe ne për mbrojtjen dhe ruajtjen e tij po angazhohemi me institucionet tona por edhe partnerët tanë ndërkombëtar”, tha Kurti.
