Kështu ka njoftuar Kurti në një postim në Twitter, duke shtuar se shteti grek është faktor i rëndësishëm për rajonin, por edhe NATO-n e Bashkimin Evropian.
“Greqia është një faktor shumë i rëndësishëm për rajonin tonë, NATO-n dhe BE-në. Me presidenten Osmani, ministren Gërvalla takova kryeministrin grek Kyriakos Mitsotakis.
Ne ndajmë vlera, synime dhe interesa të përbashkëta ekonomike dhe ritheksuam nevojën për njohjen e pavarësisë së Kosovës”, thuhet ndër tjerash në postim.
Ndryshe, para dy ditësh, Mitsotakis zhvilloi një takim me presidentin serb, Aleksandar Vuçiq, në Beograd, ku theksoi se nuk ndryshojnë qëndrim lidhur me njohjen e Kosovës.
