Edhe kryeministri Albin Kurti ka njoftuar për telefonatën që e ka pasur me këshilltarin e lartë në Departamentin Amerikan të Shtetit, Derek Chollet.
Kurti ka shkruar se amerikanit ia ka nënvizuar rëndësinë e zbatimit të Marrëveshjes Themelore me Serbinë dhe Aneksit.
“Patëm një telefonatë të mirë sot me këshilltarin Derek Chollet, ku diskutuam agjendën për takimin e nesërm. Theksova rëndësinë që Marrëveshja Themelore dhe Aneksi i saj duhet të zbatohen në tërësi dhe në mirëbesim. E falënderova gjithashtu për mbështetjen e SHBA-së”, ka shkruar Kurti.
Për telefonatën ka njoftuar edhe vet Chollet.
Ndër të tjerash, ai ka shkruar se Kurtit i ka folur për “rëndësinë e zbatimit të menjëhershëm të Asociacionit të Komunave me shumicë serbe”.
“Bisedë shumë e mirë me kryeministrin Albin Kurti për takimin e liderëve të 2 majit për normalizimin e marrëdhënieve me Serbinë përmes Dialogut të Lehtësuar nga BE, rëndësinë e zbatimit të menjëhershëm të Asociacionit të Komunave me shumicë serbe dhe partneritetin e fortë SHBA-Kosovë”, ka shkruar Chollet.
