Kryeministri në detyrë, Albin Kurti, ka thënë se nga takimi patriarkut të Kishës Ortodokse Serbe, Porfirije, në një diskutim me presidentin rus, Vladimir Putin ka dal një zhvillim shqetësues.
Ai ka thënë se thirrjet e Patriarkut janë rrezik serioz për rajonin.
Kurti duke komentuar deklaratat nga ky takim ka thënë se kjo nuk është diplomaci, por partneritet i regjimeve autoritare.
“Një zhvillim shqetësues doli nga takimi i djeshëm midis Patriarkut të Kishës Ortodokse Serbe dhe Vladimir Putinit në Moskë. Kisha Ortodokse Serbe ka luajtur prej kohësh një rol aktiv politik, por përputhja e qartë në transkriptin e takimit është shumë domethënëse—veçanërisht në prag të vizitës së Aleksandar Vuçiqit në maj. Patriarku bëri thirrje për një riorientim të gjerë gjeopolitik nën udhëheqjen ruse, duke përsëritur se “[barka e vogël serbe, që lundron në dete të trazuara, duhet gjithmonë të lidhet pas anijes së madhe ruse]”. Ai gjithashtu sugjeroi se qëndrimi i Serbisë ndaj fqinjëve të saj—Kosovës, Bosnjë-Hercegovinës dhe Malit të Zi—varet nga pozicioni global i Rusisë. Kjo nuk është diplomaci fetare, por një partneritet strategjik i regjimeve autoritare, që vendos rajonin në një rrezik serioz”, ka shkruar Kurti në X.
Ai ka thënë se Kosova, megjithatë, qëndron fort në parimet e saj demokratike dhe aspiratat e saj, dhe e refuzon pa mëdyshje çdo agjendë revizioniste të nxitur nga fuqi autoritare./teve1.info/
A concerning development emerged from yesterday’s meeting between the Serbian Orthodox Patriarch and Vladimir Putin in Moscow. The Serbian Orthodox Church has long played an active political role, but the explicit alignment in the meeting’s transcript is revealing—especially…
— Albin Kurti (@albinkurti) April 24, 2025
