Kryeministri, Albin Kurti ka ngushëlluar popullin e Hawait për 80 viktimat që humbën jetën nga zjarret shkatërruese.
Kurti tha mendimet e popullit të Kosovës janë me njerëzit që kanë humbur të dashurit, shtëpitë dhe komunitetin përballë fatkeqësisë natyrore.
“Kosova qëndron me banorët e ishujve dhe SHBA-së në këto kohë jashtëzakonisht sfiduese”, tha Kurti.
Kujtojmë se kjo është fatkeqësia më e madhe natyrore deri më tani në Hawai.
Njoftimi vjen në kohën kur të premten mbrëma ka shpërthyer një zjarr i ri në Maui, duke detyruar evakuimin e një komuniteti në verilindje të zonës ku më herët gjatë kësaj jave shpërthyen zjarre, tha policia.
Zjarri nxiti evakuimin e banorëve nga Kanapali në Mauin Perëndimor, tha policia përmes rrjeteve sociale.
Më herët qarkullimi në trafik u ndalua dhe disa persona kaluan zonën e mbyllur me barrikada për shkak se zona është shpallur si zonë e fatkeqësive dhe hyrja është ndaluar për shkak të rrezikut, tha policia.
Shumica e banorëve të Mauit veçse kanë nisur të kthehen në lagjet e tyre, ku kanë gjetur vetura të djegura dhe dëme të tjera. Zjarret kanë shkatërruar shtëpi dhe biznese. Shtyllat e telefonitdhe ndërtesat janë shkatërruar.
