Kryeministri i Kosovës, Albin Kurti ka ftuar qytetarët të marrin pjesë në tubimin përmbyllës të fushatës zgjedhore që do të mbahen në Prishtinë nga ora 19:00.
Ai thirrjen e ka bërë nga ura e Liqenit të Ujmanit në Zubin Potok, në vendin që siç ka thënë Kurti, njihet si “Përroi i Arushave”.
“Mirëdita e përshëndesje të gjithëve nga ura mbi Liqenin e Ujmanit këtu në Komunën e Zubin Potokut në një vend që quhet “Përroi i Arushave”. Ju ftojë të gjithë që sonte në Prishtinë, në sheshin “Skënderbeu” në orën 7 të mbrëmjes në tubimin më të madh elektoral të mbajtur ndonjëherë në Kosovën e çliruar”, ka thënë Kurti në një video në Facebook.
