Kryeministri i Kosovës, Albin Kurti, është i gatshëm ta nënshkruajë Marrëveshjen Bazë për normalizimin e marrëdhënieve me Serbinë, por se pala tjetër nuk është.
Qeveria ka bërë të ditur se kryeministri Kurti ka thënë se “pranimi nënkupton nënshkrim, vetëm nënshkrimi nënkupton pranimin dhe garanton zbatimin”.
Kurti ka zhvilluar takime me kancelarin e Gjermanisë, Olaf Scholz, me presidentin e Francës, Emmanuel Macron, kryeministren e Italisë, Giorgia Meloni, presidentin e Këshillit Evropian, Charles Michel, zëvendëspresidentin e Komisionit Evropian dhe përfaqësuesin e Lartë për Politikë të Jashtme dhe të Sigurisë, Josep Borrell, si dhe emisarin e tij, Miroslav Lajcak.
Marrëveshjen Bazike të Brukselit të 27 shkurtit 2023 dhe Aneksin Zbatues të Ohrit të 18 marsit 2023, Kurti i ka vlerësuar si një sukses i përbashkët me Bashkimin Evropian.
“Marrëveshja duhet zbatuar në tërësi, pa kushte, pa vonesa”, thuhet tutje.
Kurit ka falënderuar liderët evropianë për angazhimin e tyre, ndërsa ka shtuar se pas sulmit të 24 shtatorit prioritet i tij është siguria për Kosovën.
Ai ka kërkuar sanksionimin e Serbisë dhe ekstradimin e pjesëmarrësve të sulmuesëve në Kosovë.
Qeveria për takimin e Kurtit me krerët evropianë: Marrëveshja duhet zbatuar në tërësi
