Ai tha se arsyeja kryesore dhe e vetmja pse ka tensione gati në çdo vend të Ballkanit Perëndimor është se agresori që ka nisur të gjitha luftërat në ish-Jugosllavi po refuzon të marrë përgjegjësinë.
“Bashkimi Evropian në anën tjetër në vend të që sanksiononte agresionin serb ndaj fqinjëve të saj e ka shpërblyer me miliarda investime të BE-së dhe avancim drejt anëtarësimit në BE derisa lidershipi serb ka kuptuar që për të marrë investimet e tilla të BE-së, pranimi i fajësisë nuk ishte detyrues. Pra ishte e mundur që Serbia të merrte paratë e BE-së për duke refuzuar vlerat evropiane”, tha Kurtim transmeton Teve1.info.
Tutje Kurti tha se Serbia në vend të pranimit, njohjes së rolit të vet, dëshiron të portretizojë dallimet në gjithë rajonin si burim i konfliktit.
“Gati 24 vjet pas gjenocideve në Bosnjë dhe Kosovë, Serbia nuk ka kërkuar asnjëherë falje për asnjë lloj krimi e as nuk ka marrë përgjegjësi, në të kundërtën lidershipi i tashmë që ka qenë në fuqi në atë kohë flet për humbjet e territorit dhe glorifikon kriminelët”, shtoi ai.
Më tej gjatë fjalës së tij, kryeministri tha se edhe pse janë gjetur 950 mbetje mortore në Serbi nuk ka ndonjë pllakë përkujtimore që tregon se ka pasur varreza masive në ato vende.
“Në Batajnicë në Serbi, shumë pak hapa nga sheshi i republikës në Beograd, mbi 700 mbetje mortore janë gjetur në varreza masive, pra janë vrarë në Kosovë pastaj janë varrosur e zhvarrosur në mënyrë sekrete nën përpjekjen për të fshehur dëshmitë mes trupave të tillë kanë qenë 46 pjesëtarë të familjes Berisha, dy foshnje dhe shumë fëmijë, dhe një grua shtatzënë. 950 mbetje mortore, trupa janë gjetur në Serbi, nuk ka ndonjë pllakë kujtese ose ndonjë shenjë që thotë se ka pasur një varrezë të tillë masive në këto vende”, tha ai.
“Përderisa lidershipi në Serbi refuzon të pranoj fajin e vet apo të kërkojë falje, paqja kuptimplotë dhe e qëndrueshme në Ballkan është e pamundur, në vend se të kërkojë falje Serbia vazhdon të kërcënojë fqinjët e vet dhe të përdor pakicat etnike si vegël për destabilizim në vend se të ndihmojë integrimin e tyre”, theksoi Kurti. /Teve1.info/