Kurti tha se kanë filluar mbarë ditën e tretë të vitit 2023, para se të mbërrijnë në gjysmën e mandatit qeverisës, ku sipas tij, kanë realizuar shtesat për fëmijët nën moshën 16-vjeçare, raporton Teve1.info
“Po e fillojmë edhe një vit të ri, po në të njëjtën kohë po i afrohemi përmbylljes së edhe një viti të qeverisjes sonë. Angazhimi, puna dhe rezultatet të vitit 2022 duhet të jenë minimumi i angazhimit, punës dhe rezultateve të vitit 2023. Le të vazhdojmë garën me veten me bindjen se potenciali ynë është më i madh sesa aktualiteti që kemi. Ja kemi filluar mbarë që në ditën e tretë të vitit e para se të mbërrijmë në gjysmën e mandatit tonë, realizuam shtesat për fëmijët nën moshën 16-vjeçare. Në vitin 2023 kemi hyrë me më shumë siguri dhe besim për të ardhshen, të cilën e synojmë dhe të ardhmen të cilën e meritojmë”, ka thënë ai.
Sipas tij, angazhimi për të realizuar programin qeverisës nuk do të pushojë as edhe për një ditë.
“Zelli edhe angazhimi ynë për të realizuar programin qeverisës dhe për të jetësuar reformat e thella transformuese nuk do të pushojë as edhe për një ditë. 2023 do të jetë më shumë për arsimin, shëndetësinë, ushtrinë, bujqësinë, ekonominë dhe kulturën, edukimit, shëndetit, barazisë, drejtësisë dhe zhvillimit ekonomik e shoqërorë, vit i të gjithë qytetarëve dhe për Republikën”, deklaroi Kurti, teksa shtoi se “sfidave do të iu japim përgjigje, vështirësitë do t’i kthejmë në mundësi e përballje me to do të na definojë si popull, si shoqëri dhe si shtet”. /Teve1.info/
