Kryeministri i Kosovës, Albin Kurti, është deklaruar për takimin e së enjtes në Bruksel.
Kurti thotë se në këtë takim ia ka bërë të qartë dy përfaqësuesve evropianë, shefit të diplomacisë së BE-së, Josep Borrell, dhe të dërguarit të posaçëm të BE-së për dialogun Kosovë – Serbi, Mirosllav Lajçak, se hapi i parë duhet të jetë dakordimi i planit të sekuencimit dhe në të të parashihej nënshkrimi i marrëveshjes bazike.
“Presidenti i Serbisë, Aleksandër Vuçiq, ka një kohë që deklaron poshtë e lartë se ai nuk ka pranuar një marrëveshje me Kosovën dhe se do ta zbatojë vetëm në përputhje me linjat e kuqe të Serbisë. Duke marr shkas nga ky kontekst iu bëra të qartë të dy përfaqësueseve evropianë se hapi i parë duhet të jetë dakordimi i planit të sekuencimit dhe në të të parashihej nënshkrimi i marrëveshjes bazike ose së paku depozitimi i saj nga përfaqësuesi Borrell në zyrën e sekretarit të përgjithshëm të Organizatës së Kombeve të Bashkuara”, tha Kurti në konferencë për media, përcjellë teve1.info
Tutje, ai tha se në takimin e parë nuk kanë arritur marrëveshje, kjo pasi Borrell dhe Lajçak kanë pasur qëndrim se duhej të zbatohet marrëveshja që kishte të bënte me krijimin e Asociacionit dhe heqjes e njohjes së ndërsjellët.
“Në takimin e parë nuk arritëm tek një mirëkuptim minimal duke qenë se qëndrimi i zotërinjve Borrell dhe Lajçak ishte se sekuencimi i zbatimit të marrëveshjes duhej të bëhej në një mënyrë të tillë që të ishte e pranueshme edhe për Serbinë, e cila e donte Asociacionin si prioritet dhe heqjen e neneve të njohës së ndërsjellët de facto. Që aty ia u bëra të qartë se sekuencimi i zbatimit të marrëveshjes bazike nuk kërkonte një negociatë të re, ajo duhej të ishte një rezultat i natyrshëm”, tha Kurti.
Sa i përket takimit trepalësh, Kurti tha aty u përballë me një skenar të cilin sipas tij, Lajçak e kishte dizajnuar më parë.
Ai tha se propozimi i tij u kundërshtua në mënyrë të koordinuar nga Vuçiq dhe Lajçak.
“Në takimin trepalësh u ekspozova përballë një skenari të cilin Lajçak e kishte dizajnuar kohë më parë. Pasi propozova një plan të sekuencimit të marrëveshjes nga Republika e Kosovës, Vuçiq dhe Lajçak reaguan me të njëjtin mendim dhe me të njëjtën shpërfillje të koordinuar. Te dytë thanë se ky plan është shumë jorealist dhe e vetmja rrugë përpara është zbatimi i pasekuencuar i pikës së statutit të Asociacionit”, tha Kurti në konferencën për media./teve1.info/
