Kurti ka thënë se takimi i së hënës me Vuçiqin e Borrellin nuk ishte i suksesshëm pasi sipas tij, nga fokusi për planin franko-gjerman u kalua në targa, raporton Teve1.info
“Takimi i së hënës nuk ishte i suksesshëm pasi nga fokusi te propozimi i Bashkimit Evropian i mbështetur nga Franca dhe gjermania dhe shtete e bashkuara te armikes u kalua vetëm tek veprimet ne lidhje me konvertimet e targave ilegale në RKS. Unë nuk jam as polic, as komandat stacioni as shef katastri por jam kryeministër i Kosovës dhe kam ardhur për marrëveshje finale. Ata e dinin se unë kam të drejtë sepse takimi i 18 gushtit më ka dhënë të drejtë. Pika e parë është korniza e marrëveshjes, pika e dytë janë çështje te aktuale”, tha ai.
Ai thotë se dakordimi i së mërkurës nuk ishte i mundshëm pa zhvillimet e të hënës, pasi atë ditë u panë shumë gjëra. Sipas tij,u pa braktisja e propozimit nga BE-ja pikërisht nga ndërmjetësit.
“Të mërkurën me 23 nëntor u arrit ajo që mund të arrihej të hënën, pra pezullim të veprimeve të mëtutjeshme sa i përket targave, në njërën anë gjobitjen e atyre ilegale në Kosovë dhe ndalimi lëshimit të tyre në Serbi. Në gjykimin tim dakordimi i së mërkurës nuk ishte i mundshëm pa zhvillimet e të hënës sepse të hënën u panë shumë gjëra. Mbi të gjitha u pa braktisja e propozimit nga BE-ja pikërisht nga ndërmjetësit. Qysh në fillime kemi quajtur bazë të mirë për diskutim sepse është bazuar mbi vlera. Tani i takon sponzorusve të këtij plani që në një afat sa më të shpejt të arrihet një marrëveshje për normalizim të marrëdhënieve”, ka deklaruar Kurti. /Teve1.info/