Ai këto komente i ka bërë në takimin që ka zhvilluar me Senatoren nga shteti i Iowa-s, Joni Ernst,i cili u zhvillua në në margjina të Konferencës së Sigurisë së Mynihut.
Kryeministri Kurti e falënderoi senatoren Ernst, veçanërisht për përkrahjen dhe ndihmën që ShBA-të dhe shteti i Ioëa-s i ka dhënë Kosovës, për zhvillimin e Forcës së Sigurisë së Kosovës.
“Jemi krenarë për bashkëpunimin tonë të fortë, veçanërisht në fushën e mbrojtjes”, tha kryeministri Kurti, ka shkruar Kurti në Twitter
Ai shtoi se ishte kënaqësi e madhe që gjeneralmajor Corell nga Garda Kombëtare e Ioëa-s ishte në Kosovë për Ditën e Pavarësisë.
Senatorja amerikane konfirmoi mbështetjen e saj për Republikën e Kosovës, përtej partneritetit ushtarak, në të gjitha fushat zhvillimore.
Duke shprehur mirënjohjen për mbështetjen e dhënë, kryeministri theksoi se qeveria mirëpret avancimin e bashkëpunimit me Iowa-n, shkëmbimin e praktikave, veçanërisht në ekonomi, bujqësi, mjedis e energji të ripërtërishtme.
Kryeministri theksoi punën dhe angazhimin e vazhdueshëm për avancimin e FSK-së në një ushtri moderne, në shërbim të të gjithë qytetarëve të Kosovës. Ai rikonfirmoi përkushtimin e Kosovës për integrim në aleancën më të madhe të paqes e sigurisë në botë, NATO, për t’i kontribuar paqes dhe sigurisë në rajon dhe botë./Tëvë1.info/
