Kryeministri i vendit, Albin Kurti, në samitin e investimeve në Ballkanin Perëndimor, tregoi se cilat janë prioritetet e Qeverisë, sa i përket transportit dhe energjisë.
Teksa theksoi nevojën për investime në transport dhe energji, Kurti ka përmendur dedikimin për ndërtimin e një lidhjeje hekurudhore mes Prishtinës dhe Durrësit.
“Sa i përket transportit, pikë së pari me Shqipërinë, jemi të dedikuar për ndërtimin e një lidhje hekurudhore mes Prishtinës dhe Durrësit, shoqëruar me portet e Prishtinës dhe Durrësit, të ashtuquajtura porte të thata që promovojnë rritjen ekonomike, tregtinë dhe çojnë nga një rajon më i lidhur dhe prosperues. Studimet e fizibilitetit tregojnë se linja më e mirë është ajo që lidh Gjakovën me Shkodrën. Së dyti me Maqedoninë e Veriut duam të lidhin më mirë Prizrenin me Tetovën, do të na duhet një tunel 6 kilometërsh që është gjysma në anën e Maqedonisë së Veriut dhe gjysma në anën e Kosovës dhe kjo do të mundojë lëvizjen e lehtë ndërkufitare dhe fuqizimin e lidhjeve ekonomike, kulturore dhe tregtisë. Na duhen investime si për transport, ashtu edhe për energji”, deklaroi Kurti.
Ndërkaq, sa i përket partneritetit me Malin e Zi, Kurti ka thënë se fokusi është te ndërtimi i rrugëve të reja që lidhin Kosovën me Malin e Zi, Pejën, Deçanin dhe Plavën./teve1.info/.