Kryeministri i Kosovës, Albin Kurti sot ka zhvilluar takim me Zëvendëspresidentin e kompanisë “Ericsson”, Lloyd Andrew dhe Drejtorin e Teknologjisë në këtë kompani, Erik Ekudden në Davos.
Sipas komunikatës për media, bëhet e ditur se ata kanë diskutuar për kushtet që ofron Kosova për investime dhe përparësitë që ka në fushën e teknologjisë dhe mundësitë për bashkëpunim, në sektorin e telekomunikimit.
Tutje, Kurti i ka njoftuar për zhvillimet pozitive në ndërmarrjen e Telekomit si rezultat i menaxhimit të mirë, dhe për planet për investime në infrastrukturë dhe teknologjinë 5G.
“Diskutuan për kushtet që ofron Kosova për investime dhe përparësitë që vendi ynë ka në fushën e teknologjisë, përparimet dhe përmirësimet e shënuara së fundmi dhe mundësitë për bashkëpunim, sidomos në sektorin e telekomunikimit. Kryeministri i njoftoi me zhvillimet pozitive në ndërmarrjen e Telekomit si rezultat i menaxhimit të mirë, dhe për planet për investime në infrastrukturë dhe teknologjinë 5G në nivel vendi, si dhe për vizionin dhe agjendën digjitale të Qeverisë”, thuhej në komunikatë.
Në komunikatë thuhet se sipas Indeksit të Maturitetit të Teknologjisë të Bankës Botërore, Kosova tashmë është ngritur nga grupi C në atë për B për fokus të qeverisjes digjitale.
