Kryeministri në detyrë i Kosovës, Albin Kurti, mori pjesë sot në ceremoninë mortore të Papa Françeskut, e cila u mbajt në Bazilikën e Shën Pjetrit.
Në këtë ceremoni morën pjesë qindra delegacione nga e gjithë bota dhe qindra mijëra qytetarë.
E pranishme gjithashtu ishte presidentja e vendit, Vjosa Osmani.
Zyra e Kryeministrit ka bërë të ditur se së bashku, ata bënë homazhe pranë arkivolit.
Kryeministri dje përcolli mesazhin e tij ngushëllues në librin elektronik të ngushëllimeve të Ambasadës së Italisë në Kosovë.
Në mesazhin e tij, kryeministri u shpreh se Papa Françesku do të mbahet mend si një udhëheqës i përulur, i mbushur me dashuri, dhembshuri dhe humanizëm social.
