Kryeministri i Kosovës, Albin Kurti në 17 vjetorin e pavarësisë ka thënë se në këtë ditë nderojmë të gjithë ata që sakrifikuan për lirinë e vendin.
Ai ka thënë se u jemi mirënjohës gjithë atyre që kontribuuan për lirinë dhe pavarësinë e vendit.
“Sot nderojmë të gjithë ata që u sakrifikuan e u flijuan për lirinë tonë. Nga heronjtë, dëshmorët, martirët që dhanë jetën e tyre, te invalidët dhe veteranët e UÇK-së, te veprimtarët e qytetarët që qëndruan të palëkundur përballë sfidave, që të gjithëve u jemi mirënjohës për përkushtimin dhe kontributin e tyre”, ka thënë Kurti gjatë adresimit të tij në mbledhjen solemne të Qeverisë së Kosovës.
Ai ka thënë se Republika e Kosovës sot është me fortë se asnjëherë, pasi përveç investimit në siguri e mbrojte, janë forcuar edhe institucionet demokratike.
“Republika jonë sot është më e fortë dhe më vitale se kurrë më parë. Jo vetëm sepse kemi investuar në siguri dhe mbrojte, por se kemi forcuar institucionet demokratike që t’i shërbejnë gjithë qytetarëve të Republikës”, ka thënë Kurti.
