Kryeministri i Kosovës, Albin Kurti, sot do të niset për në Greqi, ku do të marrë pjesë në një dark joformale diskutimi mbi zgjerimin dhe të ardhmen evropiane të Ballkanit Perëndimor.
Darka joformale është organizuar me ftesë të kryeministrit të Greqisë, Kyriakos Mitsotakis.
Ndërkohë, sipas mediave greke, nesër kryeministri Kurti do të ketë takim të ndarë me homologun e tij grek.
Ndërkaq, Shqipëria e ftuar në nivel presidenti nuk do të përfaqësohet në këtë takim, për shkak të agjendës së paracaktuar.
Takimet e kryeministrit grek, si dhe darka informale, sinjalizojnë, siç thonë burimet qeveritare greke, rolin kryesor që luan Greqia si shtyllë e stabilitetit, paqes dhe sigurisë energjetike në Ballkan dhe Evropën Juglindore./teve1.info/
