Kryeministri, Albin Kurti, ka thënë se llapjanët kanë qenë lajmëtarët e ndryshimit të 14 shkurtit të vitit 2021.
Këtë deklaratë Kurti e ka bërë pas një tubimi të Lëvizjes Vetëvendosje në Podujevë ku sic është shprehur kanë prezantuar progresin e Republikës në diplomaci e imazh ndërkombëtar, siguri e sundim të ligjit, mbrojtje e ushtri, ndërmarrësi e tregëti, bujqësi e prodhim.
Sipas tij më 9 shkurt llapjanët do të jenë prijës në rrugën e VV-së drejt fitoreve të reja, punëve të mira, qeverisjes së drejtë dhe shërbimit ndaj qytetarëve.
“Sonte në Podujevë për të prezantuar progresin e Republikës në diplomaci e imazh ndërkombëtar, siguri e sundim të ligjit, mbrojtje e ushtri, ndërmarrësi e tregëti, bujqësi e prodhim. Llapjanët kanë qenë lajmëtarët e ndryshimit të 14 shkurtit të vitit 2021. Më 9 shkurt ata do të jenë prijës në rrugën tonë përpara drejt fitoreve të reja, punëve të mira, qeverisjes së drejtë dhe shërbimit ndaj qytetarëve. Në Llap takohemi përsëri më 15 janar. Ju falemnderit, e mirupafshim sot një javë”, ka shkruar Kurti në Facebook.
