Kryeministri i Kosovës, Albin Kurti, organizoi një pritje në nder të ambasadorit të Britanisë së Madhe në Kosovë, Nicholas Abbott, me rastin e përfundimit të mandatit të tij.
Ai duke vlerësuar rolin dhe përkushtimit e ambasadorit britanik, tha se Kosova dhe Britania e Madhe do të mbesin shtete mike.
Kurti tha se mbështetja nga ky vend, Kosovës i ofron siguri.
“Sigurisht, miqësia mes ambasadorit Abbott dhe meje përfaqëson vetëm një copëz të vogël të miqësisë së qëndrueshme e jetëgjatë midis dy vendeve tona. Mbretëria e Bashkuar dhe Kosova ishin shtete mike, shumë kohë përpara se ne të merrnim rolet tona aktuale. Dhe do të mbesin vende mike edhe shumë gjatë më pas. Në një botë ku ka shumë ndryshime, të jep siguri të dish se disa gjëra do të zgjasin në kohë. Mbështetja e Mbretërisë së Bashkuar na jep siguri: pavarësisht se cila parti është në qeverisje atje, mbështetja këtu për demokracinë e Kosovës, mbetet gjithmonë e palëkundur”, ka thënë Kurti thuhet në komunikatë.
Abbott do të përfundojë misionin e tij në Kosovë si ambasador i Britanisë së Madhe./teve1.info/
