Kurti tha se marrëveshjet e vitit 2013 dhe 2015 i trashëguan dhe i gjetën ashtu, raporton Teve1.info
“Kemi trashëguar shumë gjëra që nuk kemi dashur por e bëjmë më të mirën me krejt çfarë dimë e mundemi me atë çfarë kemi trashëguar. Pra pas 20 viteve po e ndalim një padrejtësi dhe gjakderdhje financiare në atë pjesë të vendit dhe po e përfundojmë një problematik në sektorin e energjisë. A janë të mira marrëveshjet të vitit 2013 dhe 2015 nuk janë të mira. Njësojë siç kam thënë se marrëveshja e 2013 nuk është e mirë në vitin 2013 dhe marrëveshja e vitit 2015 nuk është e mirë në vitin 2015 them edhe sot. Ato nuk ishin marrëveshje të mira por ato i trashëguam dhe i gjetëm”, ka thënë Kurti.
Ai thotë se kur është bërë kryeministër ka gjetur një mori gjërash që nuk i bëjnë më vullnet e dëshirë por nga nevoja.
“Kur unë u bëra kryeministër i gjeta 38 komuna po të pyetsha unë nuk do të ishin 38. Kur u bëra kryeministër e gjeta KEDS-in dhe KESKO-n po të isha më herët kryeministër nuk do të kishte KEDS dhe KESKO por monopoli publik është bërë privat dhe duhet të komunikojë me ta. Pra ka një mori gjërash që nuk i bëjë me vullnet dhe dëshirë por nga nevoja dhe përgjegjësia”, deklaroi kryeministri Kurti. /teve1.info/
