Kryeministri i Kosovës, Albin Kurti, e ka cilësuar të tmerrshëm lajmin për tërmetin që ka ndodhur në Maroku, e cili la të vdekur mbi 2 mijë persona.
“Lajm i tmerrshëm për tërmetin e Marokut dhe humbjet shkatërruese që ka sjellë. Mendimet tona janë me të gjithë ata që janë prekur, si dhe me ata të cilët janë përfshirë në përpjekjet e kërkim-shpëtimit gjatë kësaj kohe sfiduese”, ka shkruar Kurti në “X”.
Ministria e Brendshme e Marokut ka bërë të ditur se më shumë se 1,400 njerëz kanë lëndime të rënda, dhe viktimat më të rënda janë në provincat në jug të Marrakeshit.
Nga frika e pasgoditjeve, shumë marokenë kanë zgjedhur të qëndrojnë jashtë për një natë të dytë, duke fjetur në rrugë.
Epiqendra e tërmetit ishte në malet e Atlasit të Lartë, ka raportime për fshatra të tëra të rrafshuara në zona të thella, megjithëse informacionet e reja vazhdojnë të plasojnë./teve1.info/
