Përmes një njoftimi për media nga Zyra e Kryeministrit është bërë e ditur se Kurti, në këtë takim ka thënë se integrimet evropiane dhe euroatlantike nuk kanë alternativë dhe sipas tij, për këtë është e domosdoshme ndihma e BE-së në këtë rrugëtim.
“Në takim u bisedua për mbarëvajtjen e procesit të dialogut ndërmjet Kosovës dhe Serbisë, si dhe hapat e ardhshëm në këtë proces. Kryeministri theksoi se Qeveria e Republikës së Kosovës është e angazhuar për dialog parimor e të balancuar. Ai ritheksoi se nga ky dialog duhet të përfitojnë qytetarët e të dyja vendeve, nëpërmjet një marrëveshjeje të qëndrueshme dhe të zbatueshme, që në qendër ka njohjen reciproke”, thuhet më tej në njoftim.
Po ashtu, në takim u bisedua edhe për çështjen e targave të automjeteve midis Kosovës dhe Serbisë.
Kurti ka veçuar faktin se ka edhe dy javë larg afatit për marrëveshje për këtë çështje.
“Duke e falënderuar për angazhimin dhe mbështetjen e Bashkimit Evropian për dialogun, kryeministri shprehu mirënjohjen për kontributin, që po e japin edhe sa i përket raportit midis Kosovës dhe Serbisë, paqen e qëndrueshme, stabilitetin afatgjatë dhe sigurinë rajonale. Në takim, gjithashtu u diskutua për invazionin dhe agresionin e paprovokuar ushtarak rus në Ukrainë dhe ndikimin në rajonin e Ballkanit Perëndimor dhe Evropë’, thuhet më tej në njoftim. /teve1.info/
