Kurti tha se vendimi për shtyrje të reciprocitet me Serbinë ka ndodhë për shkak të fushatës së tmerrshme dezinformuese serbe tek qytetarët serbë të Kosovës. Kurti shtoi se kushdo që ka dyshuar për barrikadat serbe në veri, e ka kuptuar se barrikadat atje kane qenë banda kriminale serbe.
“Mund të ketë tensionime edhe në të ardhmen por jemi të vendosur në atë që e bëjmë në komunikim dhe bashkëpunim me faktorin ndërkombëtar, e kemi mbështetjen e faktorit amerikan. Kush ka qenë i dyshimtë, i ka parë se çka janë barrikadat serbe, pra, janë banda kriminale serbe”, ka deklaruar Kurti.
“Kurrë nuk ka pas luftim më të madh të krimit e korrupsionit në veri. A e kemi arritur qëllimin? Jo. Por luftimi i krimit e korrupsionit në veri të vendit po ndodhë më shumë se kurrë”, tha Kurti.
Kurti foli edhe për raportin e Auditorit për ShSKUK-në, çështje e ngritur nga deputeti Bekim Haxhiu.
Ai tha se këto raporte siç i shohin deputetët i shohin edhe gjykatësit, por që ai nuk mund të ndërhyjë në drejtësi.
“Nuk e kam numrin e telefonit të asnjë nga 200 prokurorët e 400 gjykatësit e Kosovës dhe kushdo që ka dyshime për keqpërdorime nuk do ta ketë mburojën time. A jam i kënaqur jo, por kjo është arsyeja që po e kërkojmë Vetingun”, tha ai.
https://teve1.info/lajmet/haradinaj-kryeministri-tha-mos-me-shitni-moral-skam-kujt-se-i-kisha-shit/
